ጦቢያ

    አርበኝነት ፈርጀ ብዙ ነው፡፡ አርበኝነት በአውደ - ግንባር ይፈጠራል፡፡ ጠላትን በማንኛውም አጋጣሚ እና መሳሪያ / የብዙሃን መገናኛን በመጠቀም / ጨምሮ በሚደረግ ፍልሚያ አርበኝነትን ማግኘት ይቻላል፡፡ ኢትዮጵያ በፋሽስት ጣሊያን በተወረረችበት ጊዜ ህዝቧ በዱር በገደል መሽጎ ጠላትን ድል እንደነሳ ሁሉ ፣ በውጪ የሚኖሩ ዜጎቿም ባሉበት ሆነው በዲፕሎማሲው መስክ በመሰማራት አርበኝነታቸውን አረጋግጠዋል፡፡             በሌላ በኩል ደግሞ አንዳንድ የውጭ ሃገር ዜጎች ኢትዮጵያንና ዜቿንበመውደድ እና ለእነሱም በመሆን ዘመን ተሻጋሪ የአርበኝነት ታሪክ አስመዝግበዋል፡፡ ለዚህ በማስረጃነት ከሚጠቀሱት አንዷ የኢትዮጵያ ህዝብ የቁርጥ ቀን ወዳጅ እና የፀረ - ፋሺዝም ንቅናቄ ፈር ቀዳጅ ወ / ሮ ሲልቪያ ፓንክረስት ናቸው፡፡ ኢትዮጵያ በጣሊያን በተወረረችበት ጊዜ የፋሺስትን ኢ - ሰበአዊ የሆነ ጭፍጨፋ እና ግፍ አጋልጠዋል፡፡ የሰበአዊ መብት ታጋይ የሆኑት ሲልቪያ ፓንክረስትም በኢትዮጵያ ታሪክ ከፍተኛ ስፍራ የተሰጣቸው ጣላቅ ሴት ናቸው፡፡ ሲልቪያ ፓንክረስት ታጋይ ብቻ ሳይሆኑ የታሪክ ተመራማሪ እና ፀሀፊም ነበሩ፡፡      ሲልቪያ ፓንክረስት የተወለዱት ሚያዝያ 27 ቀን 1874 ዓ . ም . በእንግሊዝ አገር ማንችስተር በተባለው ከተማ ነው፡፡ ለሲልቪያ ፓንክረስት የወደፊት ሕይወት ላይ ደማቅ አሻራን ያኖሩት አባታቸው ዶ / ር...